लुम्बिनी प्रदेशबाट प्रतिनिधि सभामा ३४५ जना उम्मेदवारमध्ये ३७ जना महिला उम्मेदवार छन् । रुकुम पूर्व र बर्दियामा महिला उम्मेदवार नै छैनन् । त्यस्तै प्रदेश सभामा ४९४ उम्मेदवारमध्ये महिला उम्मेदवारको संख्या २९ मात्रै रहेको छ । गुल्मी, पाल्पा, अर्घाखाँची र रोल्पामा प्रदेशसभाका लागि महिला उम्मेदवारी नै परेको छैन ।
तीन वटा प्रतिनिधि सभा निर्वाचन क्षेत्र भएको दाङमा एमालेले दुईवटा क्षेत्रबाट महिला उम्मेदवार उठाएको छ । त्यस्तै अर्काे वाँकी रहेको निर्वाचन क्षेत्रमा माओवादी केन्द्रले सत्ता गठवन्धनको बलमा महिला उम्मेदवार अघि सारेको छ । यस हिसाबले दाङको तीनवटै निर्वाचन क्षेत्रबाट मुख्य दलले महिला उम्मेदवार उठाएका छन् । मंसिर ४ गते हुन लागेको प्रतिनिधि सभा सदस्य र प्रदेश सभा सदस्य निर्वाचनमा महिला उम्मेदवारहरू ‘हेविवेट’ का पुरुष उम्मेदवारसंग प्रतिस्पर्धा गर्दैछन् ।
दाङ १ : मेटमणी र शान्ताको लडाई
दाङ क्षेत्र नं. १ मा गठबन्धनका उम्मेदवार एकीकृत समाजवादीका नेता मेटमणी चौधरी चुनावी मैदानमा छन् भने उनको प्रतिस्पर्धीमा एमालेकी शान्ता चौधरी छन् । मेटमणी सहरी विकास मन्त्री समेत छन् । उनी दोस्रो पटक निर्वाचन लड्दैछन् । यस अघि २०७४ सालमा बाम गठबन्धन हुँदा देउखुरीबाट काँग्रेसका उम्मेदवार शुसिला चौधरीलाई हराउँदै मेटमणी विजयी भएका थिए ।
२०६४ सालमा पहिलोपटक समानुपातिकतर्फबाट एमाले सांसद भएकी शान्ता २०७४ सालमा पनि समानुपातिकबाटै सांसद हुँदै सचेतक भएकी हुन् । दुई पटक समानुपातिकबाट सांसद भएकी शान्ता प्रत्यक्षतर्फ दोस्रोपटक प्रतिस्पर्धा गर्दैछिन् । ०७० सालको दोस्रो संविधान सभाको निर्वाचनमा उनी दाङ २ मा प्रत्यक्षतर्फ काँग्रेसकी शुसिला चौधरीसँग पराजित भएकी थिइन् । अहिले त्यही क्षेत्रबाट मेटमणीसँग प्रतिस्पर्धा गर्दैछिन् ।
तत्कालिन अवस्थामा क्षेत्र नं. २ देउखुरी क्षेत्रमा पथ्र्यो । संघीयतापछि समग्र देउखुरीलाई समेटेर घोराही र बंगलाचुलीको केही वडा समेटेर क्षेत्र नं. १ बनाईएको छ । अहिले पनि भुगोलका हिसाबले त्यही क्षेत्रबाट निर्वाचन लड्दैछन् । यद्यपी उनको मतदाता नामावली चाहिं घोराही उपमहानगरपालिका वडा नं. ४ मा पर्छ जुन निर्वाचन क्षेत्र नं.२ हो ।
क्षेत्र नं. १ : स्थानीय तहमा अनुसार दलहरुले पाएको मत :
| क्रस | राजनीतिक दल | पाएको मत |
| १ | काँग्रेस | २९ हजार ७ सय |
| २ | एमाले | २७ हजार २५ |
| ३ | माओवादी केन्द्र | १९ हजार २ सय ७६ |
| ४ | एकीकृत समाजवादी | २ हजार तीनसय ४१ |
| ५ | जनमोर्चा | २ हजार पाँचसय ९५ |
गत स्थानीय तह निर्वाचनमा गठबन्धन एमालेभन्दा दोब्बर मतले अघि देखिन्छ । एकीकृत समाजवादीको आफ्नै मत कमजोर भएपनि काँग्रेस र माओवादीले धोका नदिएमा मेटमणीले जित्ने सम्भावना देखिन्छ । गठबन्धनको मत बाहिर नजाने गठबन्धनका उम्मेदवार मेटमणी चौधरीको दावी छ । ‘यो गठबन्धन कुनै चुनाव जित्नलाई मात्रै नभई यो बिशेष परिस्थितिमा मुलुक जोगाउन गरिएको गठबन्धन हो’, मेटमणी भन्छन्, ‘त्यसैले गठबन्धनको मत बाहिर जाँदैन, चुनाव हामीले जित्छौं ।’ यो क्षेत्रमा २०७४ सालमा काँग्रेसले २१ हजार ३ सय २९ समानुपातिक मत पाएको थियो भने एमालेले २२ हजार पाँच सय ९९ र माओवादी केन्द्रले १४ हजार ८ सय ६ मत ल्याएको थियो । एमाले विभाजन भएपनि मतमा भने खासै अन्तर देखिएको छैन ।
थारुको बाहुल्यता भएको यो निर्वाचन क्षेत्रमा सबै उम्मेदवारको आँखा थारु मतदातामै छ । शान्ताले आफू पूर्व कम्लरी हुँदै कम्लरी मुक्तीका लागि खेलेको भूमिका महत्वपूर्ण भएकाले थारु समुदायले भोट दिने अपेक्षा गरेकी छन् । ‘थारु समुदाय निकै पछाडी परेको समुदाय हो, म आफै पनि अर्काको घरमा कम्लरी बसेर आएको मान्छे हुँ’,उनले भनिन्, ‘त्यस्तो महिला अहिले चुनावी मैदानमा छु, अवसर पाए गर्न सक्ने छवी पनि बनेको छ, त्यसैले मैले जित्न सक्छु ।’ क्षेत्र नंं १ मा एमालेका केन्द्रीय सदस्य गंगा चौधरीले पार्टी परित्याग गरी भर्खर खुलेको हाम्रो नेपाली पार्टीबाट उम्मेदवारी दिएकी छिन् । उनी दुई पटक समानुपातिकतर्फबाट सांसद भएकी व्यक्ति हुन् । २०७० सालमा उनी थरुहट तराई पार्टीको तर्फबाट समानुपातिक सांसद भइन् भने २०७४ सालमा एमालेको तर्फबाट समानुपातिक सांसद भएकी हुन् । उनी सांसदमा खह्रो रुपमा आफ्ना कुरा राख्ने हुँदा चर्चित पनि छिन् । त्यसले गर्दा उनले चौधरी समुदायको केही मत काट्न सक्ने आँकलन छ ।
क्षेत्र नं.२ : शंकर र रेखाबीचको कडा टक्कर
दाङ क्षेत्र नं.२ मा एमालेका प्रभावशाली नेता शंकर पोखरेलसँंग गठबन्धनका तर्फबाट माओवादी केन्द्रका स्थायी कमिटि सदस्य रेखा शर्माबीच टक्कर रहेको छ । शर्मा यसअघि दुई कार्यकाल समानुपातिक सांसद भएकी छिन् । २०७० र २०७४ सालको निर्वाचनमा उनी समानुपातिक सांसद भएकी हुन् । २०७२ सालमा उनी सामान्य प्रशासन मन्त्री समेत भइन् । उनै रेखा पटक–पटक प्रत्यक्ष निर्वाचन लडेका पोखरेलसंग पहिलोपटक प्रत्यक्ष निर्वाचनतर्फ सामना गर्दैछिन् ।
एमाले महासचिव पोखरेल पनि धेरै पटक प्रत्यक्ष निर्वाचन लडेपनि विरलै सफलता प्राप्त गरेका व्यक्ति हुन् । २०५१ सालको प्रतिनिधिसभा सदस्य र २०७४ सालको प्रदेशसभा निर्वाचनमा मात्रै उनले सफलता हात पारे । त्योबाहेक उनी २०५६ सालको चुनावमा कृष्णकिशोर घिमिरेसंग हार ब्यहोरे भने २०७० सालको निर्वाचनमा दाङ क्षेत्र नं. ४ बाट बुद्धिराम भण्डारीसंग पराजित भए । २०६४ सालको निर्वाचनमा भने उनी समानुपातिक सांसद बने । त्यसबीचमा उनी मन्त्री भए भने २०७४ सालको निर्वाचनपछि लुम्बिनी प्रदेशको मुख्यमन्त्री बने । त्यतिबेला उनले दाङ क्षेत्र नं. २ को प्रदेशसभा १ बाट चुनाव जितेका हु्न् । अहिले उनै पोखरेल र शर्माबीच कडा टक्कर हुने देखिन्छ । स्थानीय तह निर्वाचनमा वडा अध्यक्षका उम्मेदवारहरूले पाएको मतका आधारमा बाम लोकतान्त्रिक गठबन्धन र नेकपा एमालेका उम्मेदवारको कडा टक्कर हुने देखिन्छ ।
क्षेत्र नं.२ : स्थानीय तहमा अनुसार दलहरूले पाएको मत :
| क्रस | राजनीतिक दल | पाएको मत |
| १ | काँग्रेस | २३ हजार तीन सय १ |
| २ | एमाले | ३३ हजार ५ सय ९३ |
| ३ | माओवादी केन्द्र | १० हजार ४ सय ७८ |
| ४ | एकीकृत समाजवादी | २ हजरा ९ सय ४२ |
गठबन्धनका दलहरूमा इमान्दारिता नदेखिएमात्रै नतिजा एमालेको पोल्टामा जान सक्ने अनुमान छ । ‘घोराहीमा माओवादीको मत रेखालाई लगभग सबै जान सक्छ, काँग्रेसको मत इमान्दारितापूर्वक आएमा रेखाले जित्न सक्नुहुन्छ’,स्थानीय विश्लेषक हस्त केसीले भने, ‘तर, शंकर प्रभावशाली नेता भएकाले काँग्रेसको मत तान्न सके भने गठबन्धनलाई गाह्रो पनि पर्न सक्छ ।’ यो निर्वाचन क्षेत्रमा २०७४ सालमा काँग्रेसले २२ हजार ९२ समानुपातिक मत पाएको थियो, भने एमालेले २२ हजार ८ सय ६९ र माओवादी केन्द्रले १७ हजार ५ सय ८४ मत ल्याएको थियो । तर, स्थानीय तहको निर्वाचनमा एमालेले उल्लेख्य रुपमा मत बढाएको छ भने माओवादीको घटेको छ । काँग्रेसले भने आफ्नो मत सुरक्षित गरेको देखिन्छ ।
क्षेत्र नं. ३ : दिपक गिरीसंग कोमल वली
दाङ क्षेत्र नं. ३ मा पटक–पटक प्रत्यक्ष निर्वाचन लडेर निखारिएका काँग्रेसका केन्द्रीय सदस्य दीपक गिरीसंग एमालेकी कोमल वलीले पहिलो पटक प्रतिस्पर्धा गर्दैछिन् । तर, गिरीले यसअघि एक पटक मात्रै निर्वाचन जितेको इतिहास छ । २०५१ सालमा तत्कालिन दाङ क्षेत्र नं. ३ बाट एमाले नेता शंकर पोखरेलसंग हार ब्यहोरेका गिरीले २०५६ सालमा निर्वाचन लडेनन् । उनको ठाउँमा गेहेन्द्र गिरी चुनाब लडे र जिते । त्यसपछि २०६४ सालमा दाङ क्षेत्र नं. ५ बाट माओवादीको शुष्मा शर्मा घिमिरेसँंग पराजित भए । उनले जितेको भनेको २०७० सालमा मात्रै हो । त्यसपछि उनी २०७४ सालको प्रतिनिधिसभा निर्वाचनमा एमालेका तत्कालिन जिल्ला सचिव हिराचन्द्र केसीसंग हार पराजित भए । पटक–पटक हार ब्यहोर्दै आएका गिरीले अहिले भने एमालेबाट पहिलो पटक प्रत्यक्ष निर्वाचन लडेकी कोमल वलीसंग प्रतिस्पर्धा गर्दैछन् । वली यसअघि एमालेमा गएपछि २०७४ सालमा राष्ट्रियसभा सदस्य भएकी थिइन् ।
क्षेत्र नं. ३ : स्थानीय तहमा अनुसार दलहरूले पाएको मत :
| क्रस | राजनीतिक दल | पाएको मत |
| १ | गठबन्धन | ४२ हजार ७३ |
| २ | एमाले | ३६ हजार ८ सय ८० |
२०७४ सालको निर्वाचन अनुसार काँग्रेसले यो क्षेत्रमा ३० हजार ५ सय ७२ समानुपातिक मत पाएको थियो भने एमालेले २७ हजार ५ सय ४३ र माओवादी केन्द्रले १० हजार ८ सय ५ मत पाएको थियो । पार्टी विभाजन भएपनि एमालेलाई खासै फरक परेको देखिदैन ।
गुल्मी २ : पूर्व सहकर्मी विष्टसंग भिड्दै झाँक्री
गुल्मीको क्षेत्र नं २ बाट नेकपा (एमाले) का सचिव गोकर्ण विष्टसंग नेकपा एकीकृत (समाजवादी) की सचिव रामकुमारी झाँक्रीले प्रतिस्पर्धा गर्दैछिन् । बाम लोकतान्त्रिक गठन्धनबाट झाँक्री र एमालेबाट विष्ट उम्मेदवार छन् । उनीहरू दुवैजना यसअघि एउटै पार्टीमा थिए । २०७४ सालको निर्वाचनमा झाँक्री विष्टको भोट माग्दै हिडेकी थिइन् । तर, यो पटक प्रतिस्पर्धी बनेकी छिन् । २०४८ सालमा नेपाली कांग्रेसका रुद्रमणी भण्डारीले जितेबाहेक यो साविकको क्षेत्र नं ३ र हाल क्षेत्र नं २ मा बामपन्थीहरूले जित्दै आएका छन् । विष्ट २०५६ सालदेखि यो क्षेत्रमा निर्वाचन लड्दै आएका छन् । २०६४ सालमा माओवादीका चन्द्रबहादुर थापा (सागर) ले पराजित गरेबाहेक अन्य सबै निर्वाचनमा विष्टले जित हात पार्दै आएका छन् ।
२०७४ सालमा बाम गठबन्धन भएको समयमा उनले १४ हजारभन्दा बढी मत अन्तरले जितेका थिए । उनै विष्टसंग झाँक्री अहिले चुनावी मैदानमा छिन् । २०७४ सालको निर्वाचनमा एमालेबाट समानुपातिबाट सांसद भइन् । त्यसपछि २०७८ भाद्र २ मा एमाले फुटेर नेकपा एकीकृत समाजवादी बनेपछि झाँक्री समाजवादीबट सहरी विकास मन्त्री समेत भइन् । उनै झाँक्री अहिले गठबन्धनको सहारामा चुनावी मैदानमा छिन् । समाजवादीको जम्मा ६ सय ५८ मत मात्र रहेपनि गठबन्धनको मत एक ठाउँमा राख्दा एमालेभन्दा करिब १ हजार मतले गठबन्धन अगाडी छ । समाजवादीको मत खासै धेरै नरहेकाले निर्वाचित हुनको लागि कांग्रसकै भर पर्नुपर्ने अथवा गठबन्धनकै सहयोगले आफूले निर्वाचन जित्ने झाँक्रीको दावी छ ।
गुल्मी २ : स्थानीय तहको निर्वाचनमा राजनीतिक दलले पाएको मत
| क्रस | राजनीतिक दल | पाएको मत |
| १ | गठबन्धन | ३२ हजार ४ सय २१ |
| २ | एमाले | ३१ हजार २ सय ५३ |
यो क्षेत्रमा २०७४ को निर्वाचनमा एमालेले समानुपातिक मत बढी ल्याएको थियो । एमालले २८ हजार ४ सय २५ मत ल्याएको थियो भने काँग्रेसले १८ हजार २ सय ५६ र माओवादी केन्द्रले ४ हजार एकसय ३६ मत ल्याएको थियो । पार्टी विभाजन पछि गुल्मीमा पनि एमालेमा खासै फरक परेको देखिदैन ।
प्यूठानमा सूर्य थापासंग दुर्गा
प्यूठानमा गठबन्धनबाट जनमोर्चाकी दुर्गा पौडेल चुनावमा होमिएकी छिन् । उनको प्रतिस्पर्धीमा एमालेका सूर्य थापा छन् । पौडेल तेस्रो पटक सांसद हुने दौडमा छिन् भने थापा पहिलो पटक संसदीय निर्वाचनमा प्रतिस्पर्धा गर्दैछन् । पौडेल २०७४ सालको निर्वाचनमा बाम गठबन्धनबाट निर्वाचित भएकी हुन् भने २०७० सालमा समानुपातिक सांसद भएकी हुन् । उनै पौडेल अहिले एमालेका थापासंग प्रतिस्पर्धा गर्दैछिन् । गत स्थानीय तहको मतको आधारमा हेर्ने हो भने एमाले प्यूठानमा गठवन्धनभन्दा नौ हजार ४३ मतले पछि छ । २०७४ को निर्वाचन अनुसार प्यूठानमा एमालेले २४ हजार ८२ मत ल्याएको थियो भने काँग्रेसले २२ हजार ८ सय ४३ मत ल्याएको थियो । त्यस्तै जनमोर्चाले १५ हजार ४ सयय ७४ र माओवादी केन्द्रले १४ हजार ८२ मत ल्याएको थियो ।
प्यूठानमा स्थानीय तहमा अनुसार दलहरूले पाएको मत :
| क्रस | राजनीतिक दल | पाएको मत |
| १ | गठबन्धन | ४८ हजार एकसय ७१ |
| २ | एमाले | ३९ हजार एकसय २८ |
प्रदेशमा महिला उम्मेदवार : प्रतिनिधिसभा ३७, प्रदेशसभामा २९
लुम्बिनी प्रदेशका १२ जिल्लामा २६ वटा प्रतिनिधि सभा निर्वाचन क्षेत्र छन् । ५२ वटा प्रदेश सभा निर्वाचन क्षेत्र छन् । प्रतिनिधि सभा सदस्य र प्रदेश सभा सदस्यका लागि मंसिर ४ गते हुन लागेको निर्वाचनमा यी निर्वाचन क्षेत्रबाट भने सीमित मात्रै महिलाको उम्मेदवारी परेको छ । लुम्बिनी प्रदेशबाट प्रतिनिधि सभामा ३४५ जना उम्मेदवारमध्ये ३७ जना महिला उम्मेदवार छन् । रुकुम पूर्व र बर्दियामा महिला उम्मेदवार नै छैनन् । त्यस्तै प्रदेश सभामा ४९४ उम्मेदवारमध्ये महिला उम्मेदवारको संख्या २९ मात्रै रहेको छ । गुल्मी, पाल्पा, अर्घाखाँची र रोल्पामा प्रदेश सभाका लागि महिला उम्मेदवारी नै परेको छैन । संघमा गठबन्धनबाट एकीकृत समाजवादीकी रामकुमारी झाँक्री गुल्मी २, नेपाली काँग्रेसबाट पुष्पा भुषाल अर्घाखाँची १ र कुन्ती शर्मा बाँके १ तथा जनमोर्चाबाट दुर्गा पौडेल प्यूठान १, माओवादी केन्द्रबाट रेखा शर्मा दाङ २ रहेका छन् । एमालेबाट शान्ता चौधरी दाङ १ र कोमल वली दाङ ३ रहेका छन् । यीबाहेक अन्य महिला उम्मेदवार साना दल तथा स्वतन्त्रबाट रहेका छन् ।
त्यस्तै प्रदेशमा गठबन्धनबाट माओवादी केन्द्रकी कृष्ण केसी बाँके १ (क), अञ्जु दहित बर्दिया १ (ख), एमालेबाट भावना बुढाथोकी रुकुमपूर्व १ (ख) र कृष्णी थारु बर्दिया २ (ख) लगायत रहेका छन् । अन्य महिला उम्मेदवार साना दल तथा स्वतन्त्रबाट रहेका छन् ।
लुम्बिनी प्रदेशका प्रतिनिधिसभा सदस्यका महिला उम्मेदवारहरू
| क्र.सं. | नाम | जिल्ला | क्षेत्र नं. | पार्टी | |
| १ | चन्दा थापा | गुल्मी | १ | राष्ट्रिय जनमुक्ती पार्टी | |
| २ | कमला श्रेष्ठ | गुल्मी | १ | स्वतन्त्र | |
| ३ | रामकुमारी झाँक्री | गुल्मी | २ | एकीकृत समाजवादी | |
| ४ | कमला पुन | गुल्मी | २ | स्वतन्त्र | |
| ५ | दुपर्ता सोमै | पल्पा | २ | जनता समाजवादी | |
| ६ | पुष्पा भुषाल | अर्घाखाँची | १ | नेपाली काँग्रेस | |
| ७ | दुर्गा पाण्डे | रुपन्देही | १ | स्वतन्त्र | |
| ८ | नमादेव गौतम | रुपन्देही | २ | काँग्रेस (वीपी) | |
| ९ | तारा घिमिरे | रुपन्देही | २ | स्वतन्त्र | |
| १० | सरु विक | रुपन्देही | ३ | नेपाल मजदुर किसान पार्टी | |
| ११ | सरस्वती धोवी धवल | रुपन्देही | ३ | राष्ट्रिय प्रजातन्त्र पार्टी, नेपाल | |
| १२ | तेज कुमारी आले | रुपन्देही | ३ | मंगोलनेश्नल अर्गनाईजेशन | |
| १३ | गुडिया पथरकट्ट | रुपन्देही | ३ | स्वतन्त्र | |
| १४ | पम्फा सिंजाली | रुपन्देही | ५ | मंगोलनेश्नल अर्गनाईजेशन | |
| १५ | सिन्जु सिंह विष्ट | कपिलबस्तु | १ | राष्ट्रिय स्वतन्त्र पार्टी | |
| १६ | गीता देवी पौडेल | कपिलबस्तु | १ | स्वतन्त्र | |
| १७ | सविता शर्मा | कपिलबस्तु | २ | राष्ट्रिय प्रजातन्त्र पार्टी | |
| १८ | गीता शुक्ला | कपिलबस्तु | ३ | नेपाल जनता पार्टी | |
| १९ | आरती रजौरिया भुसाल | कपिलबस्तुु | ३ | स्वतन्त्र | |
| २० | लिला रावत | रोल्पा | १ | राष्ट्रिय प्रजातन्त्र पार्टी | |
| २१ | दुर्गा पौडेल | प्यूठान | १ | राष्ट्रिय जनमोर्चा | |
| २२ | शान्ता चौधरी | दाङ | १ | नेकपा एमाले | |
| २३ | लिली बुढाथोकी | दाङ | १ | राष्ट्रिय प्रजातन्त्र पार्टी | |
| २४ | प्रतीमा बुढा | दाङ | १ | लोकतान्त्रिक समाजवादी पार्टी | |
| २५ | गंगा चौधरी | दाङ | १ | हाम्रो नेपाली पार्टी | |
| २६ | रुक्मणी चौधरी | दाङ | १ | संघीय लोकतान्त्रिक राष्ट्रिय मञ्च(थरुहट) | |
| २७ | रेखा शर्मा | दाङ | २ | माओवादी केन्द्र | |
| २८ | गीता रावत | दाङ | २ | नेपाल आमा पार्टी | |
| २९ | कोमल वली | दाङ | ३ | एमाले | |
| ३० | कुन्ती शर्मा | बाँके | १ | काँग्रेस | |
| ३१ | विधा शर्मा | बाँके | २ | राष्ट्रिय जनमुक्ती पार्टी | |
| ३२ | देवी विक | नवलपरासी | १ | स्वतन्त्र | |
| ३३ | सीतादेवी बौडेल | नवलपरासी | १ | स्वतन्त्र | |
| ३४ | विन्दू कुमारी थारु | नवलपरासी | २ | नेपाल मजदुर किसान पार्टी | |
| ३५ | चन्द्रिका देवी चौधरी | नवलपरासी | २ | नागरिक उन्मुक्ती पार्टी | |
| ३६ | दिनमाया गुरुङ | नवलपरासी | २ | मंगोलनेश्नल अर्गनाइजेशन | |
| ३७ | कलावती पुन | नवलपरासी | २ | राष्ट्रिय जनमुक्ती पार्टी |
लुम्बिनी प्रदेशका प्रदेशसभा सदस्यका महिला उम्मेदवारहरू :
| क्र.सं. | नाम | जिल्ला | क्षेत्र नं. | पार्टी | |
| १ | चन्द्र कुमारी गुरुङ | रुपन्देही | १ (१) | मंगोल नेश्नल अर्गनाइजेशन | |
| २ | सानुमाया पाता दर्माली | रुपन्देही | २ (१) | मंगोल नेश्नल अर्गनाइजेशन | |
| ३ | विमला गुरुङ | रुपन्देही | २ (१) | राष्ट्रिय जनमुक्ती पार्टी | |
| ४ | जितकुमारी गाहा मगर | रुपन्देही | २ (१) | स्वतन्त्र | |
| ५ | किरन गुप्ता | रुपन्देही | ३ (१) | नागरिक उन्मुक्ती पार्टी | |
| ६ | नन्द कुमारी चौधरी | रुपन्देही | ३ (२) | नागरिक उन्मुक्ती पार्टी | |
| ७ | रेवती सरु मगर | रुपन्देही | ३ (२) | मंगोल नेश्नल अर्गनाईजेशन | |
| ८ | गायत्री चाई | रुपन्देही | ४ (२) | राष्ट्रिय जनमुक्ती पार्टी | |
| ९ | नरमाया मिदुन | रुपन्देही | ५ (१) | मंगोलन नेश्नल अर्गनाईजेशन | |
| १० | कान्ती कुमारी गुप्ता | रुपन्देही | ५ (२) | स्वतन्त्र | |
| ११ | विमला परियार | कपिलबस्तु | १ (१) | स्वतन्त्र | |
| १२ | लक्ष्मी नेपाली | कपिलबस्तु | १(२) | मंगोलनेश्नल अर्गनाईजेशन | |
| १३ | कबुतरी बरइनी | कपिलबस्तु | २ (२) | स्वतन्त्र | |
| १४ | कान्ती गोसाईन | कपिलबस्तु | ३ (१) | नेपाल जनता पार्टी | |
| १५ | लक्ष्मी हमाल | कपिलबस्तु | ३(१) | स्वतन्त्र | |
| १६ | तनमति रोका मगर | कपिलबस्तु | ३ (२) | मंगोलनेश्नल अर्गनाइजेशन | |
| १७ | पूरा पुन | रुकुमपूर्व | १ (१) | मंगोलनेश्नल अर्गनाईजेशन | |
| १८ | भावना बुढाथोकी | रुकुमपूर्व | १ (२) | एमाले | |
| १९ | नुवा घर्ती मगर | प्यूठान | १ (१) | मंगोलनेश्नल अर्गनाईजेशन | |
| २० | वेगम पाण्डे | दाङ | २ (१) | नेपाल आमा पार्टी | |
| २१ | अमृता कुमारी बस्नेत | दाङ | ३ (२) | स्वतन्त्र | |
| २२ | कृष्णा केसी | बाँके | १ (१) | माओवादी केन्द्र | |
| २३ | अञ्जु दहित | बर्दिया | १ (२) | माओवादी केन्द्र | |
| २४ | शान्ता पौड्याल | बर्दिया | २ (१) | जनता समाजवादी पार्टी, नेपाल | |
| २५ | कृष्णी थारु | बर्दिया | २ (२) | एमाले | |
| २६ | बाली थापा | बर्दिया | २ (२) | नेपाल मजदुर किसान पार्टी | |
| २७ | सावित्रा थापा | बर्दिया | २ (१) | नेपाल मजदुर किसान पार्टी | |
| २८ | मेनका कुमारी खवास (थारु) | नवलपरासी | १ (२) | राष्ट्रिय जनमुक्ती पार्टी | |
| २९ | सीमा कुमारी चौधरी | नवलपरासी | २ (२) | नागरिक उन्मुक्ती पार्टी |